Brendan Peyper se gunstelingmusiek

Topverkoper Brendan Peyper is ewe gewild by oud en jonk, en betower Afrikaanse musiekliefhebbers al sedert sy debuuttreffer “Stop Wag Bly Nog 'n Bietjie” in 2015. Krone-gehore is net so gaande oor die Bloemfonteinse boerklong wat al meer as een keer vir SAMA's en Ghoema-toekennings benoem is. Hier deel Brendon sy gunstelingmusiek met sy aanhangers. Sy persoonlike speellys bestaan uit ‘n mengsel van internasionale pop, rock en dansklanke, afgewissel met plaaslike treffers deur kunstenaars soos Jeremy Loops en Elandré.