活水

「活水」（ua̍h-tsuí) 是啥物？活水滋養土地，嘛滋養文化——親像台語歌，淵遠流長，生生不息。 台語歌演變到今，早就不止深閨怨嘆、悲苦宿命——政治批評、本土歷史、流行文化攏總有。自 90 年代「新台語歌運動」如黑名單工作室、林強等先輩，帶來新的風格佮題材了後，台語歌若親像出泉：伍佰的搖滾歌詩、五月天的野性，甚至朱頭皮佮濁水溪公社的奸撟，閣有茄子蛋、珂拉琪佮阿跨面予少年家知影台語嘛是真奅。 這份歌單予你五花十色的台語流行歌，毋管是電子、嘻哈、搖滾抑是舞曲，逐家做伙來領略台語的韻腳氣口，若聽到佮意的歌，著愛加入資料庫！