Die Heuwels Fantasties het begin as 'n vertakking van Hunter Kennedy (Fokofpolisiekar) en Pierre Greeff (Lukraaketaar) se passie vir elektroniese dansmusiek (EDM). Die ouens uit Bellville in die Kaap is gesien as die eerste werklike Afrikaanse elektroniese groep en 'n magdom treffers soos "Vinger Alleen", "Die Vraagstuk", "Leja" en "Pille vir Kersfees" het hulle in die musiekbedryf gevestig. Hulle styl en klank het effe verander deur die jare, maar die speellys is 'n voorbeeld van hoe elektroniese musiek suksesvol uitgevoer kan word.