Rugsak

Editors' Notes Elandré se hele konsep met Rugsak het begin saam met Jo-Mari Malan, wat help skryf het aan van die liedjies op die album. Sy het hom gevra wat hy sou sê vir 'n jonger Elandré? Hy reis ook baie en het altyd sy rugsak by hom: "ek travel baie en jy moet maar mooi dink wat jy in jou rugsak sit". In hierdie tyd het ek besluit met die album om daai rugsak om te keer en 11 liedjies het uitgeval. En elkeen praat oor iets anders.

Rugsak is "dalk my manier om myself te herverseker oor hierdie tye. Dirk van Niekerk is 'n ongelooflike producer en ons het die leiding van die lirieke gevat" sê Elandré en meld dat die produksie ook daarmee saam die melodië gebruik het as 'n sterk basis om op te bou. "Ek het ook ge-co-produce op hierdie album. Ek en Dirk werk lekker saam”.

Op Apple Music se vraag waaroor die album eintlik gaan het Elandré gesê: "Ek dink vernuwing. Die reset knoppie het gebeur met baie van ons, en my nader gebring aan die goed wat my nog altyd gelok het na musiek toe. Daar is 'n nuwe energie met hierdie album. Dit gaan oor die hede en nie oor die verlede nie. Ek het gesê wat ek wou sê met die die album, opgewrap in 11 songs... en als is oorspronklik.”

Waar Die Wind My Waai
"Dis 'n woordspeling op die feit dat ek in Port Elizabeth (The Windy City) is. Die wind waai hier, aldag, heeldag. Dit gaan ook oor om te laat gaan van sekere goed. Ek is nie 100% seker wat gaan gebeur nie, maar ek is hier vir die ride. Ek gaan nou waar die wind my waai. I'll take it as it comes.... with confidence. Dis 'n baie kind-off New Wave klank wat ons voor gegaan het. Ons het nogal bold gegaan met hom.... die klank van die wind, ons wou dit simulate.”

Binne & Buite
"Alles begin met die kitaarrif aan die begin. Ek het dit in 'n voicenote gespeel en 'n maand later speel ek dit vir Dirk [van Niekerk, vervaardiger/producer] en hy het dit toe gesimulate met 'n elektriese kitaarklank. Dit gaan oor.... dit maak nie saak wat daar buite aangaan nie, maak nie saak wat jy somtyds voel of dink wat aangaan nie. Dit gaan oor my intensies. Jy ken my, jy ken my binne, jy ken my buite. Gaan op dít as jy nie iets verstaan nie.”

Jungle
"Ek is baie na aan my oupa. As kind het hy vir ons baie verhale vertel. Een van die grootste verhale wat hy vir ons vertel het was Tarzan. As kind het hy my en my broer geleer boks. Hy het baie aandag gegee aan fisiese krag, om sterk te wees en jouself te kan verdedig. Ek was nog altyd aangetrokke tot die verhaal van Tarzan. As 'n blanke persoon aan die suidelike punt van Afrika, voel dit somstyds maar bietjie vreemd, maar ek voel ek is van Afrika! Ek is 'n Suid-Afrikaner en ek is bitterlik trots daarop. Dis 'n cartoonish-liedjie. Die klank is om die Afrika klank en invloed te vat, om dit op sy kop te draai, en in 'n country rigting in te stuur.”

Rugsak
"Rugsak het begin met Jo-Mari [Malan] wat my gevra het, wat sou ek sê vir 'n jonger jy. As kind was ek geleer dat ons almal gaan die lewe deur met 'n rugsak. Dis 'n spreekwoordelike bêreplek, waar jy die klippies wat jy kry op jou pad, in jou rugsak sit. Of jy jou toon stamp teen hulle, of hulle net mooi klippies is wat jy optel, we collect those things. Somtyds kan mens vashou aan goed wat jy nie noodwendig aan moet vashou nie. It is not contributing to you, or your life.”

Lemmetjieboom
"Die intro is geïnspireer deur 'n sitcom. Ek het onlangs my eerste woning gekoop en is besig om die plek op te fix. As ek 'n sitcom intro moes skryf vir my lewe, sal dit seker klink soos die intro van Lemmetjieboom. Die song gaan oor vernuwing. Die eerste woorde is 'daar is bloeisels op die lemmetjieboom', want daar is 'n lemmetjieboom agter in my agterplaas en ek het dit gekry saam met die plek. Ek het sedertdien 25 vrugtebome geplant en groei my eie kos. Dit gaan ook oor daai gees van vernuwing, en om bietjie lekker tuis by die huis te wees.”

Dag & Nag
"Dis die enigste enkelsnit wat op die album is. In die grendeltyd het dag en nag vir my dieselfde gevoel. Watse dag is dit? Waar is ons? En later het dit gevoel of dinge net vinnig gaan. Dit is wat ook bygedra het tot die koor. Daar is 'n sekere herhaling. Dis gesimboliseer
in die eentonigheid van 'n sekere gevoel. Ek is ook obsessed met die sonsak. Dis een van die grootste dinge wat uitstaan in die Oos-Kaap... die mooiste sonsakke. Die proses van nog 'n dag wat kom, en nog 'n dag wat gaan, en om dankbaar te wees daarvoor.... en om tevrede te wees daarmee.”

Musiek
"Musiek is seker maar my eerste liefde en dis nog altyd daar. Musiek was nog altyd betrokke in my lewe. Dit het my somtyds deur tye gevat waar ek nie regtig vrede in my hart gehad het nie, of te veel vrede in my hart gehad het. In my huis waar ek grootgeraak het, het my Ma-hulle nog altyd gekommunikeer deur musiek. As ons nie geweet het hoe om iets te sê nie, dan het ons 'n liedjie aangesit, wat ons dan vertaal het. Solank as die musiek speel, kan ek myself verbeel alles gaan nog aan in die bittersoete simfonie. Dinge gaan aan, of ons daarvan hou of nie. Maar musiek maak dit soveel meer magical.”

Mode
"Ek was nooit in die mode nie. As kind het ek altyd probeer om te wees. Ongelukkig kon ons nie by al die nuutste modes uitkom nie. Mode is baie duur, en dit het my somtyds nogal uit laat voel, my laat voel of ek bietjie van 'n agterstand het omdat ek nie toegang gehad het tot seker goed nie. Ek het sederdien agtergekom dat ek 'n voorreg gehad het om groot te word met minder.... om groot te word met net genoeg. Op daai manier kon ek sien wat in besittings lê, of wat nié in besittings lê nie. Mode gaan oor die dom goed wat ons soms sal doen as mense, om in die mode te wees. Ons moet soms net bietjie dink. Ek love mode. Ek love klere. Wat ek dra is tweedehands. Dis nie noodwendig nuut nie, die nie branded nie en dis nie labels nie. Jy hoef nie 'n sekere ding aan te trek om in die mode te wees nie. Mode gaan verby. Mode is iets wat konstant verander.”

Motiveer
"Ek het nog altyd 'n tricky verhouding gehad met fiksheid. Ek was nie baie sportief as kind nie, maar ek het begin dans toe ek op kollege was en het baie bewus geraak van liggaamsgesondheid. Die song gaan oor om gemotiveerd te wees, fisies, being motivated to be physical. Ook om gemotiveerd te wees om te doen wat jy gedoen moet kry. Dit gaan oor die balans tussen work and play. Dit gaan oor sekere goed waaraan ek vashou om my daai confidence te gee.... daai een persoon wat ek kan bel en hulle sal vir my sê dit gaan fine wees. Dit gaan oor dinge wat my motiveer."

Net Net Goed Genoeg
"Om van 'n afstand af gekyk te word. Om dalk onderskat te word. Ek glo nie daarin om jou eie beuel te blaas nie. Ek glo nie daarin om deur moeite te gaan om mense verkeerd te bewys nie. Ek dink dis 'n absolute mors van energie. Dis die beste om net te leef en jou ding te doen. Om jouself te bewys. Dis 'n erkenning dat ek sekere goed bereik het wat ek baie graag wou bereik het. Dit beteken nie ek is klaar nie. I am in no way close to where I would like to be. Every day is a new thing. Om vir myself te sê, ek was toe net-net goed genoeg. Ek het gedink. Jy het gedink. Daar is gedink dat ek dit nié sou maak nie. Maar ek hét dit gemaak deur harde werk, en deur ongelooflike vriende en ongelooflike hulp. Dis dalk 'n herinnering vir iemand wat voel of hulle is nie goed genoeg is nie.... Jy is!"

Land Of Sand
"Dit gaan oor deursettingsvermoë. Om nie terug te staan nie. Om te sê, ongeag wat kom, ek gaan aanhou loop, maar ook om jou voet neer te sit. Die woord 'nee' word baie keer 'n negatiewe konnotasie gegee, maar ek dink nie so nie. Ek dink dit kan jou somtyds in 'n posisie sit waar jy 'n besluit kan neem. Ek dink mens moet somtyds net jou grond staan, jou man staan, en om te sê dis hoe dit is. And you don't have to be ugly or malicious about it. Somtyds moet jy net sterk staan."